ბავშვთა აუტიზმი

აუტისტური სპექტრის დარღვევების შესახებ.

აუტიზმი, სამედიცინო პრაქტიკაში აუტიზმის სპექტრის დარღვევები (ასდ), წარმოადგენს ბავშვის განვითარების პროცესის დარღვევას, რომელიც ხელს უშლის მას ტიპიურად აღიქვას სამყარო და გარემოსთან ჩვეული ურთიერთქმედებები ააშენოს.

აუტიზმისთვის დამახასიათებელი პრობლემები ძირითადად უკავშირდება „ჩავარდნებს“ სოციალური უნარებისა და კომუნიკაციის განვითარებაში, ასევე განმეორებითი ქცევების სიჭარბეს.

აუტიზმის დასახასიათებლად სიმპტომების კონკრეტული ჩამონათვალი ვერ გამოდგება, რადგან გამოვლინების სურათი ფართოდ ცვალებადობს ბავშვიდან ბავშვამდე. სწორედ ამიტომ მას მოიხსენიებენ სპექტრად.

განმეორებადი ქცევები

ტიპების, ფორმების და კორექციის შესახებ

ბავშვებში განმეორებადი ქცევები - გავრცელებული მოვლენაა, მრავალი ფორმით და განვითარების სხვადასხვა სტადიაზე ვლინდება.
ქცევების განმეორებადობის გარკვეული დონე ნორმად ითვლება და სასარგებლოცაა, რადგან ხელს უწყობს უნარების ფორმირებას და სწავლებას. ზედმეტად და უცნაური ფორმებით გამოხატული განმეორებადი ქცევები მიანიშნებს ფსიქიკურ პროცესებში შფოთვის ჭარბ ნიშნულზე.
განმეორებადი ქცევების კორექციის წინ საჭიროა აღიწეროს ქცევის ზუსტი ფორმები, დადგინდეს მათი პოტენციური მიზეზები და პროფესიული ჩარევის აუცილებლობა.

ტანტრუმის შესახებ

საკვანძო მომენტები, რაც ტანტრუმის შესახებ უნდა იცოდეთ

ტანტრუმი ემოციური „აფეთქებაა“, ჩვეულებრივ ის ბავშვებთან ასოცირდება, თუმცა შესაძლოა მოზრდილებშიც შეგვხვდეს.
ტანტრუმი ხასიათდება ბრაზის, იმედგაცრუებისა და სტრესის უეცარი და ძლიერი გამოვლინებით. ტანტრუმის ეპიზოდი ხშირად მოიცავს ისეთ ქცევებს, როგორიცაა ტირილი, ყვირილი, ფეხების ბაკუნი, საგნების სროლა, სხეულით დაცემა იატაკზე, ხელებისა და ფეხების ქნევა, დარტყმა, თავის დარტყმა და, ასევე სხვადასხვა ტოპოგრაფიის აგრესიული ქცევა.
ტანტრუმის ქცევის კორექციის პროგრამა იგება შემდეგი მომენტების გათვალისწინებით:

• ბავშვის ასაკი და განვითარების დონე
• ტრიგერები
• კომუნიკაციური უნარები